ဗီယက်နမ်နိုင်ငံ မြို့တော်၏ မြေအောက်မီးရထားလိုင်းတွင် အလိုအလျောက် လက်မှတ်ရောင်းချသည့်စနစ်ကို စတင်ကျင့်သုံး

ဗီယက်နမ်နိုင်ငံ မြို့တော် ဟနွိုင်းရှိ ကတ်လင်း-ဟာဒေါင်း မြေအောက်မီးရထားလိုင်းသည် ဒီဇင်ဘာ ၅ ရက်တွင် အလိုအလျောက် လက်မှတ်ရောင်းချသည့်စနစ်ကို စတင်အသုံးပြုခဲ့ရာ၊ နိုင်ငံ၏ ပထမဆုံးသော ဒစ်ဂျစ်တယ်အသိအမှတ်ပြုခြင်း၊ ဇီဝဗေဒဆိုင်ရာ အထောက်အထားစိစစ်ခြင်းနှင့် ငွေသားမဟုတ်သည့် ငွေပေးချေမှုနည်းလမ်းများကို ပေါင်းစပ်ထားသည့် အများပြည်သူသယ်ယူပို့ဆောင်ရေး ဝန်ဆောင်မှု ဖြစ်လာခဲ့သည်။ မြေအောက်မီးရထားလိုင်းတစ်လျှောက်ရှိ ဘူတာရုံ ၁၂ ရုံစလုံးကို ဘဏ်ကတ်များ၊ QR ကုဒ်များနှင့် NFC စက်များပါ အသုံးပြုနိုင်သည့် multi-standard reader များဖြင့် အဆင့်မြှင့်တင်ထားပြီး၊ ဘူတာရုံဂိတ်များတွင် တပ်ဆင်ထားသော AI-powered ကင်မရာများက စိတ်ချလုံခြုံသည့် စိစစ်ရေးအတွက် ခရီးသည်များ၏ မျက်နှာကို မှတ်သားအသိအမှတ်ပြုခြင်း လုပ်ဆောင်ပေးကြောင်း သိရသည်။ ဟနွိုင်းမြူနီစီပယ်ပြည်သူ့ကော်မတီ ဒုတိယဥက္ကဋ္ဌ ထရောင် ဗီယက်ဒန်းက ဤစနစ်သည် မြို့ပြသယ်ယူပို့ဆောင်ရေး စီမံခန့်ခွဲမှု၏ ဖွဲ့စည်းပုံဆိုင်ရာ ပြုပြင်ပြောင်းလဲမှုကို ပြသနေကြောင်း ပြောကြားခဲ့သည်။