ထိုင်းလေဆိပ် ၆ ခုတွင် ၂၀၂၆ ခုနှစ်မှစ၍ နိုင်ငံတကာ ခရီးသည် ဝန်ဆောင်ခကို ဘတ် ၇၃၀ မှ ဘတ် ၁,၁၂၀ သို့ တိုးမြှင့်ကောက်ခံမည်

Airports of Thailand Plc လက်အောက်ရှိ ထိုင်းနိုင်ငံမှ လေဆိပ် ၆ ခုတွင် ပြည်ပထွက်ခွာမည့် ခရီးသည်များအတွက် ကောက်ခံသည့် ခရီးသည်ဝန်ဆောင်မှုစရိတ်ကို လက်ရှိ ဘတ် ၇၃၀ မှ ဘတ် ၁,၁၂၀ အထိ တိုးမြှင့်ကောက်ခံသွားရန် ထိုင်းလေကြောင်းအာဏာပိုင် က ခွင့်ပြုလိုက်ကြောင်း ဒုတိယဝန်ကြီးချုပ်နှင့် ပို့ဆောင်ရေးဝန်ကြီး က ပြောကြားခဲ့သည်။ ဤနှုန်းထားသစ်ကို ၂၀၂၆ ခုနှစ် အစောပိုင်းတွင် စတင်သက်ရောက်မည်ဖြစ်ပြီး၊ AOT က ဤတိုးမြှင့်ကောက်ခံမှုမှတစ်ဆင့် တစ်နှစ်လျှင် ဘတ် ၁၀ ဘီလီယံခန့် ဝင်ငွေပိုရရှိလာမည်ဟု ခန့်မှန်းထားသည်။ ရရှိလာသော ဝင်ငွေများကို သုဝဏ္ဏဘူမိလေဆိပ်၌ South Passenger Terminal အသစ် တည်ဆောက်ခြင်း အပါအဝင် လေဆိပ်ဝန်ဆောင်မှုများ မြှင့်တင်ရာတွင် အသုံးပြုသွားမည်ဖြစ်သည်။