တရုတ်-မြန်မာနယ်စပ်ရှိ မန်ဟိုင်လမ်းကြောင်းတွင် မြန်မာနိုင်ငံထွက် ကြံများ တရုတ်နိုင်ငံသို့ ချောမောစွာ တင်ပို့လျက်ရှိ

တရုတ်-မြန်မာနယ်စပ်တွင် တည်ရှိသော တယ်ဟုန် တိုင်(ရှမ်း)၊ ဂျိမ်းဖောတိုင်းရင်းသား ကိုယ်ပိုင်အုပ်ချုပ်ခွင့်ရပြည်နယ်ခွဲရှိ မန်ဟိုင်လမ်းကြောင်းမှတစ်ဆင့် ကြံရိတ်သိမ်းမှုရာသီသစ်၏ ပထမဆုံးအသုတ် မြန်မာနိုင်ငံထွက်ကြံများ ဝင်ရောက်လာခဲ့သည်။ ကြံတန်ချိန် ၅၀၀ ကျော်ကို ဝမ်တိန်လူဝင်မှုကြီးကြပ်ရေးစခန်း မန်ဟိုင်စခန်းခွဲမှ အထိရောက်ဆုံး စစ်ဆေးပေးခဲ့ပြီး တရုတ်နိုင်ငံအတွင်းသို့ ချောမောစွာ တင်ပို့နိုင်ခဲ့သည်။ကြံများ သယ်ယူပို့ဆောင်ရေး လွယ်ကူချောမွေ့စေရန်အတွက် မန်ဟိုင်စခန်းခွဲမှ သက်ဆိုင်ရာသကြားလုပ်ငန်းများနှင့် ကြိုတင်ညှိနှိုင်းကာ ကြံများ အထူးသုံး "အစိမ်းရောင်လမ်းကြောင်း" ဖွင့်လှစ်ပေးခဲ့ပြီး ကြိုတင်ရက်ချိန်းစနစ်ဖြင့် အကောက်ခွန်ရှင်းလင်းခြင်း၊ ဦးစားပေးစစ်ဆေးပေးခြင်း ဝန်ဆောင်မှုများ ဆောင်ရွက်ပေးခဲ့သည်။ ထိုသို့အားဖြင့် ယာဉ်များ ရောက်ရှိသည့်အချိန်တွင် ချက်ချင်းစစ်ဆေးနိုင်ခဲ့ပြီး ပျမ်းမျှအကောက်ခွန်ရှင်းလင်းရေးပြုလုပ်အချိန်မှာ ၂ မိနစ်အတွင်းသို့ လျှော့ချနိုင်ခဲ့သည်။