လူသိပ်မသိသေးသော သွေးပေါင်ချိန်ချနိုင်မည့်သစ်သီးတစ်မျိုး ဖြစ်သည့် သလဲသီးအစွမ်းသတ္တိ

အမေရိကန်မှာ လူတဝက်နီးပါးလောက်က သွေးတိုးရှိနေပြီး ဒီထဲက ၇၀ ရာခိုင်နှုန်းက အသက် ၆၀ နဲ့အထက် ဖြစ်တယ်လို့ ရောဂါထိန်းချုပ်ကာကွယ်ရေးစင်တာတွေက ဖော်ပြထားပါတယ်။ သွေးတိုးတဲ့အခါ နှလုံးဖောက်ခြင်း၊ လေဖြတ်ခြင်း၊ နှလုံးရပ်ခြင်း၊ ကျောက်ကပ်ရောဂါတို့ ဖြစ်စေနိုင်ပါတယ်။ သွေးတိုးခြင်းကြောင့် သွေးကြောတွေ ထိခိုက်စေပြီး နံရံတွေမှာ အဆီတွေ စုပြုံလာနိုင်ပါတယ်။ သွေးပေါင်ချိန်မြင့်တယ်ဆိုရင် အစားအသောက်နဲ့ နေထိုင်မှုပုံစံ ပြောင်းလဲခြင်းအပြင် သွေးပေါင်ကျဆေးတွေ အသုံးပြုခြင်းဖြင့် သွေးပေါင်ချနိုင်ပါတယ်။ သလဲသီးနဲ့ ဖျော်ရည်တို့က သွေးပေါင်ချိန်ကို ရေတိုရော ရေရှည်မှာပါ လျှော့ချပေးနိုင်တယ်လို့ လေ့လာချက်တစ်ခုမှာ ဖော်ပြထားပါတယ်။