ထိုင်းနိုင်ငံ စမွတ်စခွန်းနဲ့ ဥထိုင်းဌာနီခရိုင်တွေမှာ မြန်မာဘက်က ကျားဖြန့်လုပ်ငန်းတွေနဲ့ ဆက်စပ်နေတဲ့ တရားမဝင်ဘစ်ကွိုင် (Bitcoin) ထုတ် စက်ကိရိယာ အမြောက်အမြား သိမ်းဆည်းရမိကြောင်း ထိုင်းဝန်ကြီးချုပ် အနုထင်း ချန်းဝီရကွန်းက ဒီဇင်ဘာ ၃ ရက် သတင်းစာရှင်းပွဲမှာ ပြောပါတယ်။ အချက်အလက်တွေအရ စမွတ်စခွန်းခရိုင်မှာ ၆ နေရာနဲ့ ဥထိုင်းဌာနီမှာ တနေရာကို သွားရောက်စစ်ဆေးခဲ့တာမှာ ဘစ်ကွိုင်ထုတ် ကိရိယာတွေဟာ ဂိုထောင်ထဲမှာရော ကွန်တိန်နာနဲ့ နေအိမ်တွေမှာပါ ထားရှိတာ တွေ့ရပြီး အဆိုပါ ၇ နေရာကနေ ဘတ်သန်းပေါင်း ၃၀၀ ခန့် တန်ဖိုးရှိ ဘစ်ကွိုင်ထုတ်ကိရိယာပေါင်း ၃,၆၄၂ ခုကို သိမ်းဆည်းခဲ့တယ်၊ ဒါ့အပြင် ဘတ်သန်းပေါင်း ၃၀ တန်ဖိုးရှိ လျှပ်စစ်ဓာတ်အားနဲ့ ဆက်စပ်တဲ့ ကိရိယာတွေပါ သိမ်းဆည်းရမိတယ်လို့ ဆိုပါသည်
