ဘိန်းစိုက်ခင်းတွေကို ကော်ဖီစိုက်ခင်းတွေအဖြစ် ပြောင်းလဲပေးခဲ့တဲ့ ထိုင်းနိုင်ငံ ဘုရင်မင်းမြတ် ဘူမိဘော

ဒီနေ့ ၂၀၂၅ ခုနှစ်၊ ဒီဇင်ဘာ၅ ရက်နေ့ဟာ ထိုင်းဘုရင်မင်းမြတ် ဘူမိဘော ရဲ့ မွေးနေ့ဖြစ်သလို ထိုင်းနိုင်ငံရဲ့ အမျိုးသား ဖခင်များနေ့လည်း ဖြစ်ပါတယ်။ တချိန်က ဘိန်းခင်းတွေနဲ့ ဖုံးလွှမ်းနေတဲ့ တောင်ပေါ်ဒေသတွေကို စီးပွားရေးတွက်ခြေကိုက်တဲ့ Arabica ကော်ဖီစိုက်ခင်းတွေအဖြစ် ပြောင်းလဲပေးခဲ့ပြီး ဒေသခံတွေရဲ့ ဘဝကိုပါ မြှင့်တင်ပေးခဲ့တာဖြစ်ပါတယ်။ ၁၉၆၉ ခုနှစ်မှာ ဘုရင်ကြီး ဘူမိဘော က တောင်ပေါ်ဒေသတွေမှာ ဘိန်းစိုက်ပျိုးမှု ပပျောက်ရေးနဲ့ ဆင်းရဲမွဲတေမှု လျှော့ချရေးအတွက် Royal Project ကို စတင်ခဲ့ပါတယ်။ လက်ရှိမှာ နိုင်ငံတစ်ဝန်း ကော်ဖီစိုက်ဧက ၁၀၅,၆၀၀ ကျော် ရှိနေပါပြီ။ Royal Project တစ်ခုတည်းမှာတင် စိုက်ဧက ၁၂,၀၀၀ ရှိပြီး အဖွဲ့ဝင်တောင်သူ ၂,၃၀၀ ကျော်ကနေ တစ်နှစ်ကို ကော်ဖီတန်ချိန် ၁,၅၀၀ ထွက်ရှိနေပါသည်။