တောင်ကိုရီးယားတွင် ဖမ်းဆီးထိန်းသိမ်းခံထားရသည့် သမ္မတဟောင်း ယွန်းက လွတ်လပ်မှုအတွက် စုရုံးဆန္ဒပြကြရန် ၎င်းအားထောက်ခံသူများကို တိုက်တွန်း

တောင်ကိုရီးယားတွင် ဖမ်းဆီးထိန်းသိမ်းခံထားရသည့် သမ္မတဟောင်း ယွန်းဆော့ယိုက လွတ်လပ်မှုအတွက် စုရုံးဆန္ဒပြကြရန် ၎င်းအားထောက်ခံသူများကို ဒီဇင်ဘာ ၃ ရက်တွင် အကျဉ်းထောင်အတွင်းမှ တိုက်တွန်းနှိုးဆော်ခဲ့ပြီး လွန်ခဲ့သည့် တစ်နှစ်က စစ်အုပ်ချုပ်ရေး အမိန့်ထုတ်ပြန်ခဲ့သည့် ၎င်း၏ ဆုံးဖြတ်ချက်ကို ခုခံကာကွယ်ပြောဆိုခဲ့သည်။၂၀၂၄ ခုနှစ် ဒီဇင်ဘာ ၃ ရက်က ယွန်းသည် တောင်ကိုရီးယား၌ ဆယ်စုနှစ် လေးစုကျော်အတွင်း ပထမဆုံးအကြိမ်အဖြစ် စစ်အုပ်ချုပ်ရေးအမိန့်ကို ထုတ်ပြန်ကြေညာခဲ့သည်။ထို့ကြောင့် ဆန္ဒပြမှုများဖြစ်ပွားခဲ့ပြီး လွှတ်တော်တွင် ဆန္ဒပြသူများနှင့် စစ်သားများကြား ထိပ်တိုက်တွေ့ခဲ့သည်။နာရီပိုင်းအကြာတွင် လွှတ်တော်က ယွန်း၏ စစ်အုပ်ချုပ်ရေးအမိန့်ကို ပယ်ချခဲ့ပြီးနောက် ယွန်းသည် ၎င်း၏ စစ်အုပ်ချုပ်ရေးအမိန့်ကို ပြန်လည်ရုပ်သိမ်းခဲ့သည်။