ပြည်သူဗဟိုပြု မြို့ပြအသွင်ပြောင်းရေး မဟာဗျူဟာသစ်အား အကောင်အထည်ဖော်ရေး၊ မြို့ပြနှင့် ကျေးလက်ဒေသများ တစ်ပေါင်းတစ်စည်းတည်း ဖွံ့ဖြိုးတိုးတက်မှုနှင့် သက်ဆိုင်သော ပြည်တွင်းဝယ်လိုအား အလားအလာကို ဖော်ထုတ်ရေး၊ လူမှုစီးပွားဖွံ့ဖြိုးတိုးတက်မှုကို မြှင့်တင်ရေးအတွက် ကြိုးပမ်းအားထုတ်ကြရန် တရုတ်နိုင်ငံ ဝန်ကြီးချုပ် လီချန်က ဒီဇင်ဘာ ၃ ရက်၌ တိုက်တွန်းပြောကြားခဲ့သည်။တရုတ်နိုင်ငံ နိုင်ငံတော်ကောင်စီ၏ လေ့လာဆန်းစစ်မှု အစည်းအဝေး၌ သဘာပတိအဖြစ် ဆောင်ရွက်စဉ် လီက အထက်ပါအတိုင်း ပြောကြားခဲ့ခြင်းဖြစ်သည်။ တရုတ်နိုင်ငံ ဒုတိယဝန်ကြီးချုပ်များဖြစ်ကြသည့် တင်းရွှဲရှန်၊ ဟယ်လိဖုန်းနှင့် နိုင်ငံတော်ကောင်စီဝင် ဝမ်ရှောင်ဟုန်တို့က ထိုအစည်းအဝေး၌ အမှာစကားပြောကြားခဲ့ကြောင်း သိရသည်။
