၇ ကြိမ်မြောက် ဟိုင်နန်ကျွန်း နိုင်ငံတကာရုပ်ရှင်ပွဲတော် ဖွင့်လှစ်

China Media Group နှင့် ဟိုင်နန်ပြည်နယ် ပြည်သူ့အစိုးရတို့ ပူးပေါင်းကျင်းပသည့် ၇ ကြိမ်မြောက် ဟိုင်နန်ကျွန်း နိုင်ငံတကာရုပ်ရှင်ပွဲတော်ကို ဒီဇင်ဘာလ ၃ ရက်နေ့ ညပိုင်းက စန်းယာ့မြို့ရှိ ဖုန့်ဟွမ်-ကျွန်းတွင် ဖွင့်လှစ်ခဲ့သည်။ ဖွင့်ပွဲအခမ်းအနားသို့ ထိုင်း၊ ရုရှား၊ ဟန်ဂေရီ၊ အင်ဒိုနီးရှားစသည့် နိုင်ငံများမှ သက်ဆိုင်ရာအဖွဲ့အစည်း တာဝန်ရှိသူများနှင့် တရုတ်နိုင်ငံဆိုင်ရာ ကိုယ်စားလှယ်များအပါအဝင် နိုင်ငံအသီးသီးမှ နိုင်ငံတကာ ဧည့်သည်တော်များ တက်ရောက်ခဲ့ကြသည်။ ယခုရုပ်ရှင်ပွဲတော်အတွက် နိုင်ငံနှင့် ဒေသ ၁၁၉ ခုမှ ရုပ်ရှင်ဇာတ်ကားပေါင်း ၄,၅၆၄ ကားကို လက်ခံရရှိခဲ့ပြီး တင်သွင်းမှုအရေအတွက်သည် စံချိန်သစ်ကို တင်နိုင်ခဲ့ကြောင်း သိရသည်။