ဘန်ကောက် Asiatique မှ SkyFlyers ကစားနည်းကို ဆူညံသံပြဿနာကြောင့် လည်ပတ်ပုံနှင့် အချိန်ပြောင်းလဲ သတ်မှတ်

ဘန်ကောက်၊ Asiatique The Riverfront Destination ရှိ SkyFlyers ကစားနည်းမှ ထွက်ပေါ်သည့် ဆူညံသံများကြောင့် ဒေသခံများ၏ တိုင်ကြားမှုများအပေါ် လိုက်လျောညီထွေဖြစ်စေရန်အတွက် စီမံခန့်ခွဲမှုအဖွဲ့က လည်ပတ်ပုံနှင့် အချိန်တို့ကို ပြောင်းလဲသတ်မှတ်လိုက်ကြောင်း ထုတ်ပြန်ကြေညာခဲ့သည်။ အဓိကပြောင်းလဲမှုများမှာ (၁) Scenic Ride Mode အဖြစ် ညဘက်အချိန်များတွင် ဘန်ကောက်မြို့နှင့် ကျောက်ဖရားမြစ်ရှုခင်းများကို အေးအေးဆေးဆေး ကြည့်ရှုခံစားနိုင်ရန် ပုံမှန် အေးချမ်းသည့် ပုံစံဖြင့်သာ ဖြည်းဖြည်းချင်း လည်ပတ်ပေးမည်ဖြစ်ခြင်းနှင့် (၂) ပတ်ဝန်းကျင်နေထိုင်သူများ၏ သက်သောင့်သက်သာရှိမှုကို ဦးစားပေးသည့်အနေဖြင့် လည်ပတ်ချိန်ကို နေ့လယ် ၁ နာရီမှ ည ၁၀ နာရီအထိ ပြောင်းလဲသတ်မှတ်လိုက်ခြင်းတို့ဖြစ်သည်။ စီမံခန့်ခွဲမှုအဖွဲ့က ပြည်သူများ၏ အကြံပြုချက်များကို အလေးထားနားထောင်ပြီး အမြန်ဆုံး ပြုပြင်ပြောင်းလဲမှုများ ပြုလုပ်ခဲ့ကြောင်း ထုတ်ပြန်ခဲ့သည်။