မန္တလေးတိုင်း၊ မိတ္တီလာမြို့နယ်ထဲက မြို့ပေါ် ရပ်ကွက်တွေမှာ ပင်စင်စားသက်ကြီးရွယ်အိုတွေနဲ့ မိသားစုဆွေမျိုးမရှိဘဲ သီးသန့်နေထိုင်သူ သက်ကြီးပိုင်းတွေကို ပစ်မှတ်ထားကာ တို့ဆေးနဲ့လိမ်လည်သူကို မနေ့က ဒုတိယအကြိမ် ထပ်မံဖမ်းဆီးရမိခဲ့တယ်လို့ သိရပါတယ်။ဖမ်းဆီစဥ် ရရှိတဲ့ဒဏ်ရာတွေကြောင့် မိတ္တီလာဆေးရုံမှာ ဆေးကုသပေးနေချိန် ဒီဇင်ဘာလ ၃ ရက်နေ့ မနေ့ကမနက်အစောပိုင်းမှာ ဆေးရုံကနေ ထွက်ပြေးခဲ့တယ်လို့သိရပြီး ဒီဇင်ဘာလ ၄ ရက်နေ့ ဒီကနေ့ မနက်မှာ ပြန်လည်ဖမ်းဆီးရမိခဲ့တယ်လို့ သိရပါတယ်။ဖမ်းဆီးခံရသူဟာ ကိုဝေယံဖြိုးအောင် အသက် ၃၁ နှစ်ဖြစ်တယ်လို့သိရပြီး ပုဒ်မ ၃၈၀ နဲ့ ရဲက အမှုဖွင့်ထားတယ်လို့သိရကာ တရားခံကို မိတ္တီလာမြို့မစခန်းမှာ ဖမ်းဆီးချုပ်နှောင်ထားတယ်လို့ သိရပါတယ်။
