ရန်ကုန်တိုင်းဒေသကြီး၊ရွှေပြည်သာမြို့နယ်၊၅/၅ ရပ်ကွက်၊ ဗိုလ်ချုပ်အောင်ဆန်းလမ်းမကြီး၊ ကားလေးဂိတ်မှတ်တိုင်နားတွင် ဖွင့်လှစ်ထားသော Cosmetic & Fashion ဆိုင်ကို YBS ယာဉ် မှ ဝင်တိုက်မှုဖြစ်ပွားခဲ့ပြီး ဆိုင်သိန်းထောင်ကျော်နီးပါး ပျက်စီးဆုံးရှုံးခဲ့ကြောင်း ဆိုင်၏ ထုတ်ပြန်ချက်အရ သိရသည်။ဒီဇင်ဘာ ၃ ရက် နံနက် ၁ နာရီဝန်းကျင်အချိန်ခန့်က ရွှေပြည်သာမြို့နယ်၊ ကားလေးဂိတ်မှတ်တိုင်နားတွင် အရှိန်ပြင်းမောင်းနှင်လာသော YBS ယာဉ်မှ Tu Tu lay Cosmetic & Fashion Shop ဆိုင် ဝင်ရောက် တိုက်မိမှုဖြစ်ပွားခဲ့ပြီး ဆိုင်ပျက်စီးဆုံးရှုံးမှု တန်ဖိုးအားဖြင့် သိန်းထောင်ကျော်နီးပါး ပျက်စီးဆုံးရှုံးသွားခဲ့ကြောင်း သိရသည်။ အဆိုပါ ယာဉ်တိုက်မှုအခင်းဖြစ်ပွားရာနေရာတွင် YBS ယာဉ်ဝင်တိုက်ထားသည့် အရှိန်ကြောင့် ဆိုင်အပြင် ဆိုင်ရှေ့ ရှိ ကားသုံးစီးပါ ပျက်စီးဆုံးရှုံးမှုများခဲ့ကြောင်း၊ YBS ယာဉ်မောင်းဖြစ်သူကို စစ်ဆေးရာတွင်လည်း ယာဉ်မောင်းလိုင်စင်မရှိကြောင်း သိရှိရသ ဖြင့် တာဝန်ရှိသူများမှ ထိရောက်စွာ အရေးယူသွားမည်ဖြစ်ကြောင်း သိရသည်။
