မြန်မာနှင့် ရုရှား ရင်းနှီးမြှုပ်နှံမှု ရန်ပုံငွေအဖွဲ့ ဟိုတယ်နှင့် ခရီးသွားကဏ္ဍ ဆွေးနွေး

ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ပြည်ထောင်စုဝန်ကြီးသည် ရုရှားနိုင်ငံ ရော့စ်ကွန်ဂရက်ရင်းနှီးမြှုပ်နှံမှု ရန်ပုံငွေအဖွဲ့ (Roscongress Foundation) ကိုယ်စားလှယ်အဖွဲ့နှင့် နေပြည်တော်၌ တွေ့ဆုံဆွေးနွေးခဲ့သည်။ ထိုတွေ့ဆုံမှုတွင် လက်ရှိပူးပေါင်းဆောင်ရွက်နေသည့် စီမံကိန်းများ၏ တိုးတက်မှုအခြေအနေများအပြင် ဟိုတယ်နှင့်ခရီးသွားကဏ္ဍ အတွက် ရင်းနှီးမြှုပ်နှံမှု အပါအဝင် ရှေ့ဆက်လုပ်ဆောင်မည့် လုပ်ငန်းများကို အဓိက ဆွေးနွေးခဲ့ကြကြောင်း သိရသည်။