ရှမ်းပြည်နယ်မြောက်ပိုင်း၊နမ့်ဖတ်ကာမြို့၌ နွားသူခိုး ၄ ဦးကို ကိုးကန့်တပ်ဖွဲ့ ဖမ်းဆီး

ရှမ်းပြည်နယ်မြောက်ပိုင်း၊ နမ့်ဖတ်ကာမြို့၌ နွားနှင့်သိုးများ ခိုးယူခဲ့သော နွားသူခိုး ၄ ဦးအား ကိုးကန့်တပ်ဖွဲ့ က နိုဝင်ဘာလ ၃၀ ရက်နေ့တွင် ဖမ်းဆီးရမိခဲ့သည်။ ဖမ်းဆီးရမိသူများက ၎င်းတို့သည် နမ့်ဖတ်ကာမြို့နယ်တစ်ဝိုက်မှ တိရစ္ဆာန်များကို ခိုးယူသတ်ဖြတ်ရောင်းချခဲ့ကြောင်း စစ်ဆေးစဉ် ဝန်ခံခဲ့ပြီး၊ ပြီးခဲ့သည့် အောက်တိုဘာ ၁၉ ရက်အထိ သိုးကောင်ရေ ၃၀ နှင့် နွား ၂ ကောင်ကို ခိုးယူခဲ့ကြောင်း ထုတ်ဖော်ခဲ့သည်။ အဆိုပါ နွားသူခိုး ၄ ဦးကို ကိုးကန့်တပ်ဖွဲ့၏ အထူးဒေသ - ၁ တရားစီရင်ရေးဌာနက ပြစ်ဒဏ်များ ချမှတ်သွားမည်ဖြစ်ကြောင်း သိရသည်။