တရုတ်နိုင်ငံ အနေနဲ့ နိုင်ငံကို နိုင်ငံခြားသားတွေ ဝင်ရောက်မှုပိုမိုအဆင်ပြေစေဖို့အတွက် နိုင်ငံခြားသား ပြည်ဝင်ခွင့်ကတ်ပြား အွန်လိုင်းဖောင်ဖြည့်သွင်းမှုစနစ် ကို အကောင်အထည်ဖော်လိုက်တယ်လို့ အသိပေးပြောလာပါတယ်။ တရုတ်နိုင်ငံကို နိုင်ငံခြားသား တွေ ဝင်ရောက်မှုပိုမိုအဆင်ပြေစေဖို့ အတွက် ၂၀၂၅ ခုနှစ် နိုဝင်ဘာ ၂၀ ရက်က စတင်ပြီး ၊ တရုတ်နိုင်ငံ နယ်စပ်ဝင်ထွက်ပေါက်နေရာ တွေမှာ နိုင်ငံခြားသားပြည်ဝင်ခွင့်ကတ်ပြား အွန်လိုင်းဖောင်ဖြည့်သွင်းမှုစနစ်ကိုအကောင်အထည်ဖော်ထားတယ်လို့ " မြန်မာနိုင်ငံဆိုင်ရာ တရုတ်သံရုံး က ပြောပါတယ်။စနစ်အရ နိုင်ငံခြားသားတွေဟာ တရုတ်နိုင်ငံကို မရောက်ရှိမီ တရုတ်နိုင်ငံ အမျိုးသားလူဝင်မှု ကြီးကြပ်ရေးဦးစီးဌာန တရားဝင်ဝက်ဘ်ဆိုဒ်၊ အစိုးရဝန်ဆောင်မှု ပလက်ဖောင်း၊ “လူဝင်မှုကြီးကြပ်ရေးဌာန ၁၂၃၆၇” မိုဘိုင်းအက်ပ်၊ WeChat (Alipay) ပရိုဂရမ်တွေဖြစ်စေ၊ မိုဘိုင်းဖုန်း က တစ်ဆင့် ပြည်ဝင်ခွင့်ကတ်ပြား ဖောင်ဖြည့်သွင်း ဖို့ QR ကုဒ်ကိုစကင်ဖတ်ရှုတာ စတဲ့ နည်းလမ်းတွေနဲ့ အွန်လိုင်း ကတစ်ဆင့် ပြည်ဝင်ခွင့်ဆိုင်ရာ အချက်အလက် တွေကို ဖြည့်သွင်နိုင်မှာဖြစ်ပါတယ်။အခုလို အွန်လိုင်း က တစ်ဆင့် ဖြည့်သွင်းဖို့ အဆင်မပြေတဲ့ နိုင်ငံခြားသား တွေ အနေနဲ့ တရုတ်နိုင်ငံ နယ်စပ်ဂိတ်ဝင်ထွက်ပေါက်တည်နေရာကို ရောက်ရှိရင် မိုဘိုင်းဖုန်းကတစ်ဆင့် ပြည်ဝင်ခွင့်ကတ်ပြား ဖြည့်သွင်းဖို့ QR ကုဒ်ကို စကင်ဖတ်ရှုတာ ၊ နေရာမှာရှိတဲ့ စမတ်စက်ပစ္စည်း တွေ ကို အသုံးပြုပြီး အွန်လိုင်း က တစ်ဆင့် ပြည်ဝင်ခွင့်ဆိုင်ရာ အချက်အလက် တွေကို ဖြည့်သွင်းတာ နဲ့ နိုင်ငံခြားသားပြည် ဝင်ခွင့်စာရွက်ဖောင် ဖြည့်သွင်းတာ စတာတွေကို ဆောင်ရွက်သွားနိုင်မယ်လို့သိရပါတယ်။တရုတ်ပြည်သူ့သမ္မတနိုင်ငံ နိုင်ငံခြားသားတွေ အမြဲတမ်းနေထိုင်ခွင့်ကတ်ပြား ကိုင်ဆောင်ထားသူ၊ပြည်မကြီးခရီးသွားခွင့်လက်မှတ် ကိုင်ဆောင်ထားပြီး တရုတ်နိုင်ငံသားမဟုတ်တဲ့ ဟောင်ကောင်နဲ့ မကာအိုဒေသခံ တွေ ၊ အဖွဲ့လိုက်ဗီဇာ ကိုင်ဆောင်ထားသူ တွေ ၊အဖွဲ့လိုက် ဗီဇာကင်းလွတ်ခွင့်အတွက် အရည်အချင်းပြည့်မီသူ တွေ၊ နယ်စပ်ဂိတ်ဝင်ထွက်ပေါက်ရဲ့ သတ်မှတ်ထားတဲ့ ဧရိယာမှာ ယာယီနေထိုင်သူတွေ ၂၄ နာရီအတွင်း တိုက်ရိုက်ဖြတ်သန်းတာ ၊ သင်္ဘောနဲ့ ဝင်ရောက်တာ ၊မူလသင်္ဘောနဲ့ ပြန်လည်ထွက်ခွာသူတွေ ၊အမြန်လမ်းကြောင်းက ဝင်ရောက်သူတွေ နဲ့ ပြည်ဝပြည်ထွက် သယ်ဆောင်ပို့ဆောင်ရေးယာဉ် တွေ မှာ တာဝန်ထမ်းဆောင် တဲ့နိုင်ငံခြားသားဝန်ထမ်းတွေ စတဲ့နိုင်ငံခြားသား တွေ အနေနဲ့ ဖြည့်သွင်းဖို့ ကင်းလွတ်ခွင့်ရမှာဖြစ်တယ်လို့ သံရုံးရဲ့ပြောကြားထားတာတွေအရသိရှိရပါတယ်။
