ခရီးသွားများ၊ စီးပွားရေးသမားများ၊ ပညာရှင်များ၊ အနုပညာရှင်များနှင့် အားကစားသမားများအပါအဝင် တရုတ်နိုင်ငံသား ခရီးသွားများစွာကို ရုရှားနိုင်ငံတွင် ရက်ပေါင်း ၃၀ အထိ ဗီဇာမလိုဘဲ ဝင်ရောက်နေထိုင်ခွင့်ပြုသည့် အတည်ပြု ဒီကရီ အမိန့်တစ်ရပ်ကို သမ္မတ ဗလာဒီမာ ပူတင်က ဒီဇင်ဘာလ ၁ ရက် တနင်္လာနေ့တွင် လက်မှတ်ရေးထိုးလိုက်သည်။ ၂၀၂၂ ခုနှစ် ဖေဖော်ဝါရီလတွင် ရုရှားတပ်များကို ယူကရိန်းနိုင်ငံအတွင်းသို့ စေလွှတ်ခြင်းမပြုမီ ရက်ပိုင်းအလိုက ပူတင်နှင့် တရုတ်သမ္မတ ရှီကျင့်ဖျင်တို့သည် အကန့်အသတ်မဲ့ မဟာဗျူဟာမိတ်ဖက်ဆက်ဆံရေး သဘောတူညီချက်ကို လက်မှတ်ရေးထိုးခဲ့ကြသည်။ ထိုအချိန်မှစ၍ မော်စကိုသည် အနောက်တိုင်း၏ ပိတ်ဆို့မှုများဒ-ဏ်မှ သက်သာရာရစေရေးအတွက် ပေကျင်းထံမှ သွင်းကုန်များကို အကြီးအကျယ် အမှီပြုခဲ့ရသည်။
