တက္ကသိုလ်ဝင်စာမေးပွဲ အောင်လက်မှတ်အတုပြု၍ မြန်မာမှ ကျောင်းလျှောက်ထားမှု ဆက်တိုက်လုပ်ဆောင်နေဟု နိုင်ငံတကာကျောင်းတာဝန်ရှိသူများပြော

တက္ကသိုလ်ဝင်စာမေးပွဲ အောင်လက်မှတ်ရှိ QR Code ကို အတုပြုလုပ်၍ အခြား URL များသို့ ချိတ်ဆက်လုပ်ဆောင်ထားသည့် အောင်လက်မှတ်အတုများဖြင့် မြန်မာနိုင်ငံမှ ကျောင်းလာရောက်လျှောက်ထားမှုများ ဆက်တိုက်လုပ်ဆောင်နေကြသည်ဟု နိုင်ငံတကာကျောင်း တာဝန်ရှိသူများ၏ ပြောပြချက်အရ သိရသည်။ကျောင်းဝင်ခွင့်လက်ခံသည့် အပတ်စဉ်တိုင်း မြန်မာမှ အောင်လက်မှတ်အတု၊ အချက်အလက်အတုဖြင့် လာရောက်လျှောက်ထားခြင်းကို တွေ့ရှိရပြီး ယခင်က အမည်၊ ခုံနံပါတ်များကိုသာ အတုအပပြုလုပ်ရာမှ ယခုတွင် အောင်လက်မှတ်ရှိ QR Code ကိုပါ အတုအပ လုပ်ဆောင်လာခြင်းဖြစ်သည်။