ပညာဘူမိတက္ကသိုလ် သုတဓမ္မစာမေးပွဲများကို စာဖြေဌာန ၅၀ ဖြင့် ကျင်းပနေ

ပညာဘူမိတက္ကသိုလ်၏ သုတဓမ္မစာမေးပွဲများကို နိုဝင်ဘာလ ၂၉ ရက်နေ့မှစတင်၍ စာဖြေဌာန ၅၀ ခုဖြင့် ကျင်းပလျက်ရှိသည်။ တက္ကသိုလ်၏ အဓိပတိဖြစ်တော်မူသော ပါမောက္ခချုပ်ဆရာတော်ကြီးသည် စာအောင်မြင်သူများကို ချီးမြှင့်ပေးမည့် ဘွဲ့လက်မှတ်များ၊ အောင်လက်မှတ်များပေါ်တွင် ရေးသားမည့် စာလုံးအရေးအသားများအပြင် အောင်လက်မှတ်ပေးအပ်ချီးမြှင့်မည့် အစီအစဉ်များကိုပါ အချိန်နှင့်အမျှ အသေးစိတ်ပြင်ဆင်ဆောင်ရွက်ပေးလျက်ရှိကြောင်း သိရသည်။