အရှေ့တောင်အာရှဒေသတွင် ဆိုးဝါးသည့် ရေကြီးရေလျှံမှုနှင့် မြေပြိုမှုများအတွင်း သေဆုံးရသူဦးရေသည် နိုဝင်ဘာလ ၂၉ ရက် စနေနေ့အထိတွင် ၃၅၀ ကျော်ရှိလာခဲ့ပြီး အင်ဒိုနီးရှား၊ ထိုင်းနှင့် မလေးရှားနိုင်ငံများတွင် ရှင်းလင်းရေးနှင့် ရှာဖွေကယ်ဆယ်ရေးလုပ်ငန်းများကို စတင်လုပ်ဆောင်နေပြီဖြစ်သည်။ ယခုသီတင်းပတ်တွင် နိုင်ငံသုံးနိုင်ငံရှိ ဒေသအတော်များများတွင် မုတ်သုံမိုးသည်းထန်စွာရွာသွန်းသဖြင့် လူရာနှင့်ချီ၍ သေဆုံးခဲ့ကာ ထောင်ပေါင်းများစွာ သောင်တင်ပိတ်မိနေခဲ့ပြီး လူများစွာသည် အိမ်ခေါင်မိုးများပေါ်တွင် ကယ်ဆယ်ရေးအတွက် စောင့်ဆိုင်းနေကြရသည်။
