ကွယ်လွန်သူ လီဗာပူးတိုက်စစ်ကစားသမားဟောင်း ဂျိုတာ၏ သမီးငယ်လေး တစ်နှစ်ပြည့်မွေးနေ့

ကွယ်လွန်သူ လီဗာပူးလ်တိုက်စစ်ကစားသမားဟောင်း ဂျိုတာ၏ အငယ်ဆုံးသမီးလေးသည် ပြီးခဲ့သည့် ဗုဒ္ဓဟူးနေ့တွင် အသက်တစ်နှစ်ပြည့်ခဲ့ကြောင်း သိရသည်။ ဂျိုတာ၏ ဇနီးဖြစ်သူက သမီးလေး၏ ပထမဆုံးမွေးနေ့အမှတ်တရအဖြစ် ဂျိုတာနှင့် သမီးလေးတို့ အတူရှိခဲ့သည့် ဓာတ်ပုံ ၆ ပုံအပါအဝင် ဓာတ်ပုံ ၁၆ ပုံကို Instagram တွင် ဝေမျှခဲ့ရာ မြင်ရသူအပေါင်းကို ဆွေးမြေ့စေခဲ့ပြီး ပရိသတ်များ၏ အလွမ်းစာများကိုလည်း မြင်တွေ့ခဲ့ရသည်။ ဂျိုတာသည် သားနှစ်ဦးနောက်မှ သမီးလေးကို ပိုင်ဆိုင်ခဲ့ခြင်းဖြစ်သော်လည်း ၎င်းချစ်ရသော မိသားစု၊ ဘောလုံးလောကနှင့် ပရိသတ်များကို ချန်ရစ်ကာ လေးလကြာမြင့်ခဲ့ပြီဖြစ်သည်။