တရုတ်နှင့် တင်းမာမှု အရှိန်မမြှင့်ရန် အမေရိကန်သမ္မတ ထရမ့်ပ်က ဂျပန်ဝန်ကြီးချုပ်ကို တိုက်တွန်း

အမေရိကန်သမ္မတ ဒေါ်နယ်ထရမ့်ပ်သည် ဂျပန်ဝန်ကြီးချုပ် ဆနားအဲ တာကာအိချီနှင့် ယခုသီတင်းပတ်အတွင်း ဖုန်းဖြင့် ပြောဆိုရာတွင် တရုတ်နိုင်ငံနှင့် တင်းမာမှုကို ထပ်မံ၍ အရှိန်မမြှင့်ရန် တောင်းဆိုခဲ့ကြောင်း ဂျပန်အစိုးရသတင်းရင်းမြစ်နှစ်ခုက ပြောကြားခဲ့သည်။ ထရမ့်ပ်အနေဖြင့် ပေကျင်းကို ထပ်မံဒေါသထွက်စေမည့် အပြုအမူများကို ရှောင်ရှားစေလိုကြောင်းနှင့် တရုတ်နိုင်ငံနှင့် အတိမ်းအစောင်းမခံသော ကုန်သွယ်ရေးစစ်ပွဲ ရပ်စဲထားမှုကို ဆက်ထိန်းထားရန် ကြိုးပမ်းနေခြင်းဖြစ်ကြောင်း သတင်းရင်းမြစ်များက ဖော်ပြခဲ့သည်။ ထရမ့်ပ်သည် တာကာအိချီကို တိကျသော တောင်းဆိုချက်များ မပြုလုပ်ခဲ့သော်လည်း အငြင်းပွားမှုများနှင့် ပတ်သက်၍ ညင်သာစွာ ပြောဆိုရန် တောင်းဆိုခဲ့သည်။ တရုတ်ခေါင်းဆောင် ရှီကျင့်ဖျင်နှင့် ထရမ့်ပ်တို့ ဖုန်းပြောဆိုပြီးနောက် ချက်ချင်းဆိုသလို ထရမ့်ပ်က ဂျပန်ဝန်ကြီးချုပ်နှင့် ဆက်သွယ်ပြောဆိုခဲ့ခြင်းဖြစ်ပြီး၊ တရုတ်ခေါင်းဆောင်က ထိုင်ဝမ်ကို ပြန်လည်ပေါင်းစည်းရေးမှာ ပေကျင်း၏ ကမ္ဘာ့အစီအစဉ်အတွက် အဓိကကျကြောင်း ထရမ့်ပ်ကို ပြောကြားခဲ့သည်။