အင်ဒိုနီးရှား ကမ်းလွန်၊ ဆူမတြားမြောက်ပိုင်းတွင် ပြင်းအား ၆.၂ အဆင့်ရှိ ငလျင်လှုပ်ခတ်

ယမန်နေ့ နိုဝင်ဘာလ ၂၇ ရက်နေ့တွင် အင်ဒိုနီးရှားနိုင်ငံ၊ ဆူမတြားမြောက်ပိုင်း၏ အနောက်ဘက်ကမ်းလွန် (Sinabang မြို့အနီး)၌ ပြင်းအား ၆.၂ အဆင့်ရှိ ငလျင်တစ်ခု လှုပ်ခတ်သွားကြောင်း German Research Centre for Geosciences (GFZ) က ထုတ်ပြန်ခဲ့သည်။ ငလျင်ဗဟိုချက်သည် မြေအောက်အနက် ၁၀ ကီလိုမီတာတွင် ရှိပြီး၊ ထိုင်းနိုင်ငံ ဖူးခက်မြို့နှင့် ကီလိုမီတာ ၆၀၀ ဝန်းကျင်သာ ကွာဝေးသောကြောင့် ထိုင်းနိုင်ငံ၌ ငလျင်လှုပ်ခတ်မှု၏ သက်ရောက်မှုကို ခံစားခဲ့ရသည်။ ပြီးခဲ့သည့် နိုဝင်ဘာ ၂၅ နှင့် ၂၆ ရက်များတွင်လည်း ဆူမတြားဒေသ၌ ပြင်းအား ၄.၀ မှ ၄.၈ အဆင့်ရှိ ငလျင်များ ထပ်မံလှုပ်ခတ်ခဲ့ဖူးကြောင်း သိရသည်။