ကချင်ပြည်နယ်၊ဆားမှော်ဒေသခံတစ်ချို့စပါးရိတ်သိမ်းဖို့အခက်တွေ့နေ

ကချင်ပြည်နယ် မိုးကောင်းမြို့နယ် ဆားမှော်ကျေးရွာမှာ ဒေသခံတောင်သူတစ်ချို့စပါးစိုက်ပျိုးထားတဲ့ တောင်ခြေဘက်မှာ နယ်မြေမတည်ငြိမ်မှု ဆိုးရွားလာလို့ စပါးရိတ်သိမ်းဖို့အတွက် အခက်တွေ့နေတယ်လို့ ဒေသခံတွေက ပြောပါတယ်။“စပါးရိတ်သွားမယ်သူတွေလည်း အဲဖက်မသွားရဲတော့ဘူး စပါးရိတ်ဖို့အတွက် လူခေါ်ရင်တောင် မသွားရဲကြတော့ဘူး။ စပါးရိတ်စက်နဲ့လူတွေလည်း မသွားရဲဘူး ဖြစ်နေကြပြီး လယ်လုပ်တဲ့သူတွေ အရမ်းကို ခက်နေတယ်”လို့ ဆားမှော်ဒေသခံအမျိုးသားတစ်ဦး ကပြောပါတယ်။