ထိုင်းနိုင်ငံမှာ ဆိုးဆိုးရွားရွားရေကြီးမယ်လို့ ကြိုတင်အသိပေးထားတဲ့ သတင်းကို သတင်းအမှားလို့ ပြောခဲ့တဲ့ ထိုင်းမိုးလေဝသဌာနကို ပြည်သူတွေ ဝေဖန်နေကြ

ထိုင်းနိုင်ငံ တောင်ပိုင်းမှာ ရေကြီးမှုအခြေအနေနဲ့ ပတ်သက်ပြီး ပုဂ္ဂလိက မိုးလေဝသ Facebook page တစ်ခုရဲ့ ကြိုတင်သတိပေးချက်ကို "သတင်းတု" လို့ စွပ်စွဲခဲ့တဲ့ ထိုင်း မိုးလေဝသဌာန (TMD) ဟာ အခုအခါမှာ ပြည်သူတွေရဲ့ ပြင်းပြင်းထန်ထန် ဝေဖန်မှုကို ခံနေရပါတယ်။ အမည်မဖော်လိုတဲ့ မိုးလေဝသပညာရှင်တစ်ဦး ဦးစီးတဲ့ အဲဒီ Page က ရေကြီးမယ့်အကြောင်း ကြိုတင်သတိပေးခဲ့ပေမယ့် အစိုးရက သတင်းတုလို့ သတ်မှတ်ခဲ့ပြီးနောက် တကယ်တမ်း ရေကြီးမှုတွေ ဖြစ်ပေါ်လာခဲ့တာ ဖြစ်ပါတယ်။ နိုဝင်ဘာ ၁၈ ရက်နေ့တုန်းက အဲဒီ Facebook page က Chumphon ကနေ Narathiwat အထိ တောင်ပိုင်းမှာ နိုဝင်ဘာလ ၁၈ ရက်ကနေ နောက် ၁၀ ရက်အတွင်း မိုးရေချိန် ၁,၀၀၀ မီလီမီတာကျော် ရွာသွန်းနိုင်ပြီး ရေကြီးရေလျှံမှုတွေ ဖြစ်ပေါ်နိုင်ကြောင်း သတိပေးခဲ့တာပါ။ တာဝန်ရှိသူတွေက စိုးရိမ်စရာမရှိကြောင်း ပြောဆိုခဲ့တာကြောင့် ဒေသခံအများစုဟာ ရေဘေးအတွက် ကြိုတင်ပြင်ဆင်မှု မလုပ်ခဲ့ကြပါဘူး။