မနေ့ညက ချန်ပီယံလိဂ်ပွဲစဉ်အဖြစ် ကစားသွားခဲ့တဲ့ ချဲလ်ဆီးနဲ့ဘာစီလိုနာတို့ရဲ့ ပွဲစဉ်မှာ ချဲလ်ဆီးကသုံးဂိုးပြတ်အနိုင်ရခဲ့ပါတယ်။ချဲလ်ဆီးက အိမ်ကွင်းမှာ အကောင်းဆုံးပုံစံကိုပြသနိုင်ခဲ့ပြီး ဘာစီလိုနာကို အသာစီးကစားနိုင်ခဲ့ပါတယ်။ချဲလ်ဆီးအတွက် ဦးဆောင်ဂိုးအဖြစ် ၂၇မိနစ်မှာ ဘာစီလိုနာနောက်ခံလူ ခွန်ဒေးက ကိုယ့်ဂိုးကိုပြန်သွင်းခဲ့မိပြီး ၄၄မိနစ်မှာ ချဲလ်ဆီးနောက်ခံလူ ကူကူရယ်လာကို ကစားပုံကြမ်းခဲ့တာကြောင့် ဘာစီလိုနာကစားသမား အာရူဟို နှစ်ဝါတစ်နီနဲ့ထုတ်ပယ်ခံခဲ့ရပါတယ်။ဒုတိယပိုင်းပြန်စပြီးနောက်ပိုင်းမှာလည်း ချဲလ်ဆီးကဘဲ လူအသာ၊ကစားပုံအသာနဲ့ ကစားခဲ့ပြီး ၅၅မိနစ်မှာ ဒုတိယမြောက်ဦးဆောင်ဂိုးကို လူငယ်တောင်ပံကစားသမား အက်စတီဗောင် က တစ်ကိုယ်တော်အစွမ်းနဲ့ လှလှပပ သွင်းယူပေးခဲ့ပါတယ်။ပွဲကစားချိန် ၇၃မိနစ်မှာတော့ အန်ဇိုဖာနန်ဒက်ရဲ့ ဖန်တီးပေးမှုကနေ လူစားဝင်တိုက်စစ်မှုး ဒီလပ် က ချဲလ်ဆီးအတွက် တတိယမြောက်ဦးဆောင်ဂိုးကို သွင်းယူနိုင်ခဲ့ပြီး ပွဲအပြီးမှာတော့ ချဲလ်ဆီးက ဘာစီလိုနာကို သုံးဂိုးပြတ်အနိုင်ရခဲ့ပါတယ်။ဒီနိုင်ပွဲကြောင့် ချဲလ်ဆီးဟာ တနင်္ဂနွေနေ့မှာ ကစားမယ့် အာဆင်နယ်နဲ့ပွဲအတွက် ယုံကြည်ချက်ပိုရှိသွားပြီဖြစ်ပြီး ဒီပွဲမှာ အနားရထားတဲ့ ဂျာအိုပတ်ဒရို၊ကိုးလ်ပါယ်မာတို့က အင်ပြည့်အားပြည့်ကစားနိုင်တော့မှာဖြစ်ပါတယ်။
