ထိုင်းတွင် Google Map မှာ ကိုယ်နေတဲ့နေရာကို ထိုင်းရဲ့ အကြီးဆုံး လောင်းကစား ဝက်ဆိုဒ်လို့ ထည့်မိလို့ ရဲဖမ်းတာခံရ

ထိုင်းနိုင်ငံ၊ချင်းရိုင် ရဲတပ်ဖွဲ့ဟာ အသက် ၃၀ အရွယ် လောင်းကစား ဝက်ဆိုဒ်ဆောင်ရွက်သူတစ်ဦးကို Google Map ကနေ တဆင့်ခြေရာခံပြီး ပြီးခဲ့တဲ့ တနင်္လာနေ့က ဖမ်းဆီးလိုက်ပါတယ်။ဖမ်းခံရတာက Google Map Location မှာ - “ထိုင်းရဲ့ အကြိီးဆုံးလောင်းကစား ဝက်ဆိုဒ်ရှိရာ ရုံး”လို့ရေးထားလို့ပါ။ ဆိုင်ဘာမှုခင်းစုံစမ်းရေးဗျူရိုက gsa9game လို့ အမည်ရတဲ့ ဒီ ဝက်ဆိုဒ်ကို ရှာဖွေနေတာဖြစ်ပြီး အဖွဲ့ဝင် ၂ သောင်းကျော်ရှိတယ်လို့ ဆိုပါတယ်။ တော်တော်များများက လူငယ်တွေနဲ့ ကလေးတွေပါ။ ဒီဝက်ဆိုဒ်ကနေ တစ်လကို ပိုက်ဆံ ဘတ် ၁၀ သန်းကျော်၊ တစ်နှစ်ကို ဘတ် သန်း ၁၂၀ ကျော် လည်ပတ်ပြီး ရှိနေတာပါ။Kasdit ဟာ လွန်ခဲ့တဲ့ ၆-၇ နှစ်ကတည်းက လောင်းကစားလုပ်ငန်းတွေ လုပ်နေတာဖြစ်ပြီး ပိုက်ဆံတွေ စု ချမ်းသာပြီးတဲ့နောက်မှာတော့ ထိုင်းကို ပြန်လာပြီး ကိုယ့်လုပ်ငန်း ကိုယ်ထောင်ခဲ့တာဖြစ်ပြီး အခု ဖမ်းမိချိန်မှာ ဝက်ဆိုဒ် ၇ ခုထိရှိနေတာပါ။ ထိုင်းပြည်သူတွေကတော့ ဒီလူကို ငါးစာချကျွေးလိုက်တာသာဖြစ်ပြီး နောက်မှာ ပိုကြီးတဲ့ ဂိုဏ်းချုပ်တွေရှိနိုင်တယ်လို့ သုံးသပ်နေပါတယ်။