ဘာစီလိုနာကို ချယ်လ်ဆီး ဂိုးပြတ်နိုင်ပြီး မန်စီးတီးအသင်း ရှုံးပွဲကြုံတွေ့

ချန်ပီယံလိဂ် ပွဲစဉ်-၅ ပထမနေ့ပွဲတွေမှာ ချယ်လ်ဆီးအသင်းက စတမ်းဖိုဒ်ဘရစ်ချ်မှာ ဘာစီလိုနာကို ၃-၀ ဂိုးနဲ့ ဂိုးပြတ်နိုင်ပြီး မန်စီးတီးကတော့ အိမ်ကွင်းမှာပဲ လေဗာကူဆင်ကို ဝ-၂ ဂိုးနဲ့ အရေးနိမ့်ကာ ရှုံးပွဲနဲ့ ရင်ဆိုင်ခဲ့ရပါတယ်။နယူးကာဆယ်ကို ရှုံးထားတဲ့ မန်စီးတီးကတော့ အခုပွဲမှာ ပွဲထွက်စာရင်းကို ၁၀ နေရာ အပြောင်းအလဲလုပ်ခဲ့ပြီး ရှုံးပွဲဆက်ခဲ့တာပါ။ဂွါဒီယိုလာရဲ့ မန်စီးတီးနည်းပြဘ၀ ချန်ပီယံလိဂ် ရာပြည့်ပွဲမှာ ရလဒ်မကောင်းဖြစ်ခဲ့ပြီး ပွဲ ၂၀ အထိ အရေးနိမ့်ခဲ့ရပါတယ်။