နယူးဒေလီရှိ မြန်မာသံရုံး၌ ဒီဇင်ဘာ ၄ ရက်မှ ၆ ရက်အထိ ကြိုတင်ဆန္ဒမဲပေးနိုင်မည်

အိန္ဒိယနိုင်ငံဆိုင်ရာ မြန်မာသံရုံး (နယူးဒေလီမြို့) သည် လာမည့် ဒီဇင်ဘာ ၂၈ ရက်နေ့မှ စတင်ကျင်းပမည့် ပါတီစုံဒီမိုကရေစီ အထွေထွေရွေးကောက်ပွဲအတွက် ကြိုတင်ဆန္ဒမဲပေးနိုင်မည့် ရက်များကို အသိပေးထုတ်ပြန်ခဲ့သည်။ အိန္ဒိယနိုင်ငံတွင် ရောက်ရှိနေသော မြန်မာနိုင်ငံသားများသည် ဒီဇင်ဘာ ၄ ရက်နေ့မှ ၆ ရက်နေ့အထိ မြန်မာသံရုံး (နယူးဒေလီ) ၌ နေ့စဉ် နံနက် ၉ နာရီခွဲမှ ညနေ ၄ နာရီခွဲအထိ လာရောက်မဲပေးနိုင်မည်ဖြစ်သည်။ ကြိုတင်ဆန္ဒမဲပေးပိုင်ခွင့်ရှိသူများသည် မဲပေးရန်လာရောက်သည့်အခါ သက်တမ်းရှိ မြန်မာနိုင်ငံကူးလက်မှတ် (မူရင်း) နှင့် မှတ်ပုံတင် (မူရင်း/မိတ္တူ) တို့ကို မဖြစ်မနေ ယူဆောင်လာရမည်ဟု သံရုံးက အသိပေးထားသည်။