တာချီလိတ်မြို့၌ ပန်းခင်းစီမံချက် အဆင့် (၃) ဖြင့် နိုင်ငံသားစိစစ်ရေးကတ်ပြားများ ကွင်းဆင်းပြုလုပ်ပေး

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ တာချီလိတ်မြို့နယ်ဦးစီးမှူးရုံးမှ ပန်းခင်းစီမံချက် အဆင့် (၃) ဖြင့် နိုင်ငံသားစိစစ်ရေးကတ်ပြား ပျောက်ဆုံးနေသူများနှင့် ကတ်မပြုလုပ်ရသေးသူများအား နိုဝင်ဘာလ ၂၄ ရက်နေ့မှ ၂၈ ရက်နေ့အထိ မကာဟိုခမ်းရပ်ကွက်ရှိ အောင်မြတ်ခန်းမ၌ ကွင်းဆင်းဆောင်ရွက်ပေးလျက်ရှိသည်။ ဤစီမံချက်အရ မြို့နယ်ဦးစီးမှူးရုံးမှ ဝန်ထမ်းများသည် ရပ်ကွက်/ကျေးရွာအလိုက် လိုအပ်ချက်ရှိသူများအတွက် "One Stop Service" အစီအစဉ်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား လိုအပ်သူများ၏ စာရွက်စာတမ်းများကို စိစစ်ကာ Biometric Data ကောက်ယူ၍ UID ကတ်ပြုလုပ်ပေးခြင်းများ ဆောင်ရွက်ပေးနေခြင်းဖြစ်သည်။