တနင်္သာရီတိုင်း၊မောတောင် ဒုက္ခသည်တွေကို ထိုင်းအာဏာပိုင်တွေက နယ်စပ် အလယ်ဂိတ်မှာ နေခွင့်မပြုတော့လို့ နေရပ်ပြန်နေကြရ

ထိုင်း-မြန်မာနယ်စပ်မြို့ဖြစ်တဲ့ တနင်္သာရီတိုင်း၊ မောတောင်မြို့နယ်က ဒုက္ခသည် ပြည်သူတွေကို ထိုင်းအာဏာပိုင်တွေက နယ်စပ်ဂိတ်ဖြစ်တဲ့ အလယ်ဂိတ်မှာ နေခွင့်မပြုတော့ဘဲ နေရပ်ပြန်နေထိုင်ကြဖို့ အသိပေးလာတာကြောင့် ဒေသခံတွေ နေရပ်ပြန်နေကြရတယ် လို့သိရပါတယ် ။နိုဝင်ဘာ ၂၄ ရက်ကစပြီး အလယ်ဂိတ်မှာ ရောက်နေတဲ့ ပြည်သူတွေထဲက လူဦးရေ ၁,၀၀၀ လောက်ဟာ နေရပ်ကို ပြန်သွားကြပြီး လက်ရှိမှာ လူ ၅၀၀ လောက်သာ အလယ်ဂိတ်မှာ ကျန်ရှိတော့တယ်လို့ သိရပါတယ်။