ထိုင်း-မြန်မာနယ်စပ် သံလွင်မြစ်ကြောင်းတွင် စောင့်ကြည့်ရေးနေရာ ၁၃ ခုလုံး၌ အာဆင်းနစ်ဓာတ်ပါဝင်မှု သတ်မှတ်ချက်ကျော်လွန်နေ

ထိုင်းနိုင်ငံ၊ မယ်ဟောင်ဆောင်ပြည်နယ်ရှိ သံလွင်မြစ်ကြောင်း စောင့်ကြည့်ရေးနေရာ ၁၃ ခုလုံးတွင် အာဆင်းနစ်ဓာတ် ပါဝင်မှုနှုန်းသည် ဘေးအန္တရာယ်ကင်းရှင်းမှု စံသတ်မှတ်ချက် (တစ်လီတာလျှင် 0.01mg) ထက် ကျော်လွန်နေကြောင်း မြစ်ရေညစ်ညမ်းမှု ထိန်းချုပ်ရေးဌာန က စစ်ဆေးတွေ့ရှိခဲ့သည်။ ထိုင်း-မြန်မာနယ်စပ်တစ်လျှောက် မြစ်ရေနှင့် နုံးနမူနာများကို စုဆောင်းစစ်ဆေးခဲ့ရာ တစ်နေရာတွင် ခဲဓာတ်ပါဝင်မှုသည်လည်း စံသတ်မှတ်ချက် (0.05mg)ထက် ကျော်လွန်နေသည်ကို တွေ့ရှိခဲ့ရသည်။ PCD ညွှန်ကြားရေးမှူးချုပ် ဆူရင် ဝိုရာကစ်ထမ်မရောင်က ဤတွေ့ရှိချက်နှင့်ပတ်သက်၍ မြစ်အထက်ပိုင်းရှိ ညစ်ညမ်းမှု ဖြစ်နိုင်သော အရင်းအမြစ်များကို စုံစမ်းစစ်ဆေးပေးရန် မြန်မာနိုင်ငံကို အသိပေးအကြောင်းကြားရန်အတွက် နိုင်ငံခြားရေးဝန်ကြီးဌာနကို တိုက်တွန်းသွားမည်ဖြစ်ကြောင်း ပြောကြားခဲ့သည်။