ဗီယက်နမ်မှာ ရေကြီးမှုတွေကြောင့် သေဆုံးသူ ရာဂဏန်းနားထိ နီးကပ်လာ

ဗီယက်နမ်နိုင်ငံ တောင်ပိုင်းနှင့် အလယ်ပိုင်းဒေသများတွင် အောက်တိုဘာလလယ်မှစ၍ လွန်ကဲသော မိုးဆက်တိုက်ရွာသွန်းမှုများ ကြောင့် နောက်ဆက်တွဲ ရေကြီးခြင်းနှင့် မြေပြိုခြင်းများ ဖြစ်ပွားခဲ့ရာ နိုဝင်ဘာ ၂၃ ရက် ညပိုင်းအထိ သေဆုံးသူ ၉၀ ကျော် လွန်သွားခဲ့ကြောင်း သိရသည်။ ရေကြီးမှုများကြောင့် ကမ္ဘာလှည့်ခရီးသွားဇုန်များအပါအဝင် နေရာအများအပြား ပျက်စီးခဲ့ပြီး၊ ပြည်နယ် ၅ ခု၏ ပျက်စီးဆုံးရှုံးမှုတန်ဖိုးသည် ဒေါ်လာ ၃၄၃ သန်း ခန့်အထိ ရှိနိုင်ကြောင်း ခန့်မှန်းထားသည်။ စိုက်ပျိုးရေးနှင့် မွေးမြူရေးတွင်လည်း စပါးစိုက်ပျိုးဧရိယာ ဟက်တာ ၈၀,၀၀၀ ကျော် ပျက်စီးကာ မွေးမြူရေးတိရစ္ဆာန် ၃.၂ သန်းခန့် သေဆုံးခဲ့သည်။ ယခုနှစ် ပထမ ၁၀ လတာအတွင်း သဘာဝဘေးအန္တရာယ်များကြောင့် စုစုပေါင်း လူ ၂၇၉ ဦးထက်မနည်း သေဆုံးပြီး စီးပွားရေးဆုံးရှုံးမှုမှာ ဒေါ်လာ ၂ ဘီလီယံကျော်ထိ ရှိခဲ့ကြောင်း သိရသည်။