ချင်းပြည်နယ်၊ ထန်တလန်မြို့နယ်၊ ဗန်ဇန်ကျေးရွာအနီးမှာ နိုဝင်ဘာလ ၂၀ ရက် ညနေ ပိုင်းမှာ ခရီးသည်တင်ယာဉ် ၁ စီးတိမ်းမှောက်လို့ ကားပေါ်လိုက်ပါလာတဲ့ အမျိုးသမီး ၁ ဦးသေဆုံးတဲ့အပြင် အများအပြားဒဏ်ရာရရှိခဲ့ကြတယ်လို့ သတင်းအရင်းအမြစ် တစ်ဦးထံကသိရပါတယ်။အဆိုပါကားဟာ ခရီးသည်များတင်ဆောင်လာတဲ့ကားဖြစ်ပြီး ကားလမ်းမြေပြိုတဲ့နေရာက ကျောက်တုံးတွေကို ရှောင်ရင်း ကားလမ်းအောက်ဘက်ကို ထိုးကျသွားတာလို့သိရပြီး ကားပေါ်မှာ လူ ၃၀ ကနေ ၄၀ ကြား လိုက်ပါ လာကြတယ်လို့သိရပါတယ်။



