(၃၁) ကြိမ်မြောက် အာဆီယံ ပို့ဆောင်ရေးဝန်ကြီးများ အစည်းအဝေး (ATM) ကို မြန်မာနိုင်ငံက အိမ်ရှင်အဖြစ် လက်ခံကျင်းပ၍ ယမန်နေ့ နိုဝင်ဘာ ၂၀ ရက် တွင် နေပြည်တော်၌ ကျင်းပခဲ့သည်။ နိုင်ငံတော်ဝန်ကြီးချုပ် ဦးညိုစော တက်ရောက်ခဲ့သော ဤအစည်းအဝေးတွင် အာဆီယံပို့ဆောင်ရေးဝန်ကြီးများက ၂၀၂၆ ခုနှစ်အတွင်း ဆောင်ရွက်မည့်လုပ်ငန်းများ အပါအဝင် အရေးကြီးသော မဟာဗျူဟာစီမံကိန်းများစွာကို အတည်ပြုခဲ့သည်။ အဓိက အတည်ပြုခဲ့သော စီမံကိန်းများမှာ အာဆီယံပို့ဆောင်ရေးစီမံကိန်း (၂၀၂၆-၂၀၃၀)၊ သင်္ဘောမှစွန့်ပစ်ပစ္စည်း စီမံခန့်ခွဲမှုဆိုင်ရာ အာဆီယံဒေသတွင်း မဟာဗျူဟာ၊ အာဆီယံ လျှပ်စစ်သုံးယာဉ် အကောင်အထည်ဖော်ရေးလမ်းပြမြေပုံ နှင့် ဒစ်ဂျစ်တယ်စနစ်ဖြင့် သယ်ယူပို့ဆောင်ရေး လုပ်ငန်းများ ပါဝင်သည်။ ထို့အပြင် တရုတ်၊ ဂျပန်၊ ကိုရီးယားတို့ကဲ့သို့ ဆွေးနွေးဖက်နိုင်ငံများနှင့်လည်း ဆက်စပ်အစည်းအဝေးများ ကျင်းပခဲ့ပြီး စုစုပေါင်း ၁၈၇ ဦး တက်ရောက်ခဲ့သည်။ နောက်လာမည့် ၂၀၂၆ ခုနှစ် အစည်းအဝေးကို ဖိလစ်ပိုင်နိုင်ငံက အိမ်ရှင်အဖြစ် လက်ခံကျင်းပသွားမည်ဖြစ်သည်။
(၃၁) ကြိမ်မြောက် အာဆီယံပို့ဆောင်ရေးဝန်ကြီးများအစည်းအဝေးကို မြန်မာနိုင်ငံက အိမ်ရှင်အဖြစ် နေပြည်တော်၌ ကျင်းပ
Nov 21 • 3:55 AM
မြန်မာ
နေပြည်တော်
မျှဝေမည်
| 21 | 0 | 0 | 0 |


