မလေးရှားနိုင်ငံ၊ ပီနန် (Penang) ပြည်နယ်၊ Butterworth ရှိ Lorong Bukit Juru ရပ်ကွက်တွင် မြန်မာစားသောက်ဆိုင် ဖွင့်လှစ်ထားသည့် ကိုယ်ဝန်ဆောင် မြန်မာအမျိုးသမီးပိုင်ရှင်တစ်ဦးသည် သင်္ဘောသီးထောင်းအရသာ မကောင်းကြောင်း အငြင်းပွားရာမှစ၍ မြန်မာလူမျိုး ညီအစ်ကိုနှစ်ဦး ၏ ဓားထိုးသတ်ဖြတ်မှုကြောင့် နိုဝင်ဘာ ၁၇ ရက်နေ့တွင် နေရာ၌ပင် သေဆုံးခဲ့ရသည်။ ၎င်းတို့၏ ခင်ပွန်းဖြစ်သူနှင့် သူငယ်ချင်းတစ်ဦးလည်း ဒဏ်ရာရရှိခဲ့သည်။ မလေးရှားရဲတပ်ဖွဲ့သည် တိုက်ခိုက်သူ ညီအစ်ကိုနှစ်ဦးနှင့် အတူပါလာသော အမျိုးသားတစ်ဦးကို ဖမ်းဆီးခဲ့ပြီး၊ သေဆုံးသူ၏ ရုပ်အလောင်းကို Seberang Jaya ဆေးရုံသို့ ပို့ဆောင်ကာ ဒဏ်ရာရသူများအား ဆေးကုသမှု ပေးထားသည်။ ဖမ်းဆီးရမိသူများကို မလေးရှားဥပဒေအရ အရေးယူရန် ဆက်လက်ဆောင်ရွက်နေကြောင်း သိရသည်။

မလေးရှားတွင် သင်္ဘောသီးထောင်းစားမကောင်းဟုဆိုကာ မြန်မာဆိုင်ရှင်ကိုယ်ဝန်ဆောင်အမျိုးသမီးကို မြန်မာညီအစ်ကို နှစ်ဦးက ဓားဖြင့် ထိုးသတ်
Nov 19 • 1:11 AM
မလေးရှား
ပြည်တွင်း
မျှဝေမည်
| 31 | 0 | 0 | 0 |


