Zoox ရိုဘိုတက္ကဆီ ထုတ်လုပ်မှု တိုးမြှင့် ပြီးလားဗီးဂတ်စ်တွင် စမည်

Amazon ၏ ကိုယ်ပိုင်မောင်းနှင်နည်းပညာနှင့် ရိုဘိုတက္ကဆီ လုပ်ငန်းဖြစ်သော Zoox သည် ရိုဘိုတက္ကဆီ ထုတ်လုပ်မှုကို အရှိန်မြှင့်တင်သွားမည်ဟု သိရသည်။ ကုမ္ပဏီသည် အမေရိကန်နိုင်ငံတွင် ရိုဘိုတက္ကဆီ ဝန်ဆောင်မှုကို လားဗီးဂတ်စ်မြို့တွင် ပထမဆုံး စတင်ပြေးဆွဲမည်ဖြစ်ပြီး ထို့နောက် ဆန်ဖရန်စ္စစကိုမြို့တွင် ဆက်လက် တိုးချဲ့သွားမည်ဖြစ်သည်။ လက်ရှိအချိန်တွင် Zoox သည် စိတ်ကြိုက်ထုတ်လုပ်ထားသော စမ်းသပ်ယာဉ်များဖြင့် အမေရိကန်နိုင်ငံရှိ မြို့ကြီး ၆ မြို့တွင် စမ်းသပ်မှုများ ပြုလုပ်လျက်ရှိသည်။ မကြာမီကာလအတွင်း အခြားမြို့များတွင်လည်း စမ်းသပ်မှု အဆင့်များကို စတင်သွားမည်ဟု ကုမ္ပဏီက ပြောကြားထားသည်။