မော်စကိုသို့ ဦးတည်လာသည့် ယူကရိန်းဒရုန်း ၁၂ စင်းကို ရုရှားလေတပ်က ပစ်ချခဲ့သည်ဟု မြို့တော်ဝန်ဆာဂီ ဆိုဘီယန်နင်က မေ၇ရက်နေ့တွင် ပြောဆိုကြောင်း သိရသည်။ တယ်လီဂရမ်တွင် လေးနာရီကျော်အတွင်း ဆက်တိုက်တင်ခဲ့သော ပို့စ်များတွင် မြို့တော်သို့ ဦးတည်လာသည့် ဒရုန်း ၁၂ စင်းကို တိုက်ထုတ်ခြင်း သို့မဟုတ် ဖျက်ဆီးခြင်းများ လုပ်ဆောင်ခဲ့သည်ဟု ဆိုဘီယန်နင်က မှတ်ချက်ပြု ပြောကြားခဲ့သည်။
