ကမ္ဘာ့ဖလားပြိုင်ပွဲက စစ်ပွဲကိုအဆုံးသတ်ဖို့ ရုရှားအတွက် မက်လုံးဖြစ်နိုင်

အမေရိကန်သမ္မတ ဒေါ်နယ်ထရမ့်က ၂၀၂၆ ကမ္ဘာ့ဖလားပြိုင်ပွဲမှာ ရုရှားအတွက် ပါဝင်ကစားခွင့်ရဖို့ အခွင့်အရေး က ယူကရိန်းစစ်ပွဲကို အဆုံးသတ်ဖို့ မက်လုံးတစ်ခု ဖြစ်နိုင်တယ်လို့ ပြောခဲ့ပါတယ်။ ရုရှားနိုင်ငံက ယူကရိန်းနိုင်ငံကို ကျူးကျော်ခဲ့တဲ့ ၂၀၂၂ ခုနှစ်ကတည်းက ကမ္ဘာ့ဘောလုံးအဖွဲ့ချုပ်(FIFA)နဲ့ ဥရောပ ဘောလုံးအဖွဲ့ချုပ်(UEFA)တို့ဟာ ရုရှားလက်ရွေးစင် အသင်းတွေကို နိုင်ငံတကာပြိုင်ပွဲတွေမှာ ဝင်ရောက် ယှဉ်ပြိုင်ခွင့် ပိတ်ပင်ခဲ့တာပါ။