ဖုန်းတွေထဲမှာ ဈေးအကြီးဆုံး iPhone ကို ထုတ်တဲ့ Apple ကလည်း သူ့ဖုန်းကို case မတပ်ဘဲ သုံးစေချင်ပုံပါပဲ။ Apple ရဲ့ နောက်ဆုံးထွက် iPhone 16 ရဲ့ Ceramic Shield ကြော်ငြာမှာ ဒီအချက်ကို ပြောထားပါတယ်။ ကြော်ငြာထဲမှာ ပွဲတော်လာလည်တဲ့ မိသားစုတစ်စုက လူတစ်ယောက်ကို အမှတ်တရဓါတ်ပုံရိုက်ခိုင်းချိန် သစ်သားကြမ်းပြင်ပေါ် iPhone 16 မတော်တဆ လွတ်ကျသွားပေမယ့် ဖုန်းမှန်လုံးလုံး မထိတာကို အသားပေး ပြထားတာပါ။ ကြော်ငြာအဆုံးမှာ Ceramic Shield လို့ စာတန်းထိုးပြီး "အေးဆေးပဲ။ အဲ့ဒါ iPhone 16 လေ" လို့ စာတန်းထိုးထားကြောင်း သိရသည်။
