မြန်မာ့လက်ရွေးစင်ကွင်းလယ်ကစားသမားကျော်မင်းဦးရဲ့ ဒူးဒဏ်ရာ ပြန်လည် ခွဲစိတ်ရမည်

ဒူးဒဏ်ရာကြောင့် ကာလရှည်အနားယူခဲ့ရတဲ့ မြန်မာ့လက်ရွေးစင်ကွင်းလယ်ကစားသမား ကျော်မင်းဦးရဲ့ ဒူးဒဏ်ရာအခြေအနေက ပြန်လည်ခွဲစိတ်ရမယ်လို့ ကာယကံရှင်က အတည်ပြုပြောကြားပါတယ်။ ၂၀၁၆ တုန်းက ခွဲစိတ်ထားတဲ့ဒူးဒဏ်ရာက ချုပ်ရိုးပြုတ်ထွက်ပြီး ပြည်တည်နေတာကြောင့် ပြန်ခွဲစိတ်ဖို့ လိုအပ်တာလို့ ကစားသမားကျော်မင်းဦးက ဆိုပါတယ်။ ခွဲစိတ်မှုကို မေလ ၁ရက်မှာ ပြုလုပ်မှာဖြစ်ပြီး ဆယ်ရက်ခန့်အနားယူရနိုင်ကာ ခွဲစိတ်မှုကုန်ကျစရိတ်အားလုံးကို မြန်မာနိုင်ငံဘောလုံးအဖွဲ့ချုပ်က တာဝန်ယူအကုန်အကျခံမယ်လို့လည်း သိရပါတယ်။