ပုပ်ရဟန်းမင်းကြီး ဖရန်စစ်၏ စျာပနကြောင့် ယခုတစ်ပတ် ဧပြီလ ၂၆ ရက် စနေနေ့တွင် ကစားမည့် စီးရီးအေပွဲစဉ် သုံးပွဲကို ဧပြီ ၂၇ ရက် တနင်္ဂနွေနှင့် ၂၈ ရက် တနင်္လာနေ့သို့ ပြောင်းလဲကစားရန် ဆုံးဖြတ်ခဲ့ကြောင်း သိရသည်။ မူလက ဧပြီ ၂၆ ရက် မြန်မာစံတော်ချိန် ည ၇ နာရီခွဲတွင် ကိုမို-ဂျီနိုအာ၊ ည ၁၀ နာရီခွဲတွင် အင်တာမီလန်-ရိုးမား၊ ဧပြီ ၂၇ ရက် နံနက် ၁ နာရီ ၁၅ မိနစ်တွင် လာဇီယို-ပါးမား စသည့်သုံးပွဲ ယှဉ်ပြိုင်ကစားရန် စီစဉ်ထားသည်။ သို့သော် ပုပ်ရဟန်းမင်းကြီး ဖရန်စစ်၏ စျာပနနှင့် တိုက်ဆိုင်နေသောကြောင့် ကိုမို- ဂျီနိုအာပွဲစဉ်ကို မြန်မာစံတော်ချိန် ဧပြီ ၂၇ ရက် ညနေ ၅ နာရီသို့လည်းကောင်း၊ အင်တာမီလန်-ရိုးမားပွဲစဉ်ကို မြန်မာစံတော်ချိန် ဧပြီ ၂၇ ရက် ည ၇ နာရီခွဲသိုလည်းကောင်း၊ လာဇီယို-ပါးမားပွဲစဉ်ကို မြန်မာစံတော်ချိန် ဧပြီ ၂၉ ရက် နံနက် ၁ နာရီ ၁၅ မိနစ်သို့လည်းကောင်း ပြောင်းလဲကစားမည်ဖြစ်သည်။
