ပြီးခဲ့တဲ့ ဖေဖော်ဝါရီလကုန်တည်းက ပြည်တွင်းဈေးကွက်ရော ပြည်ပတင်ပို့တဲ့ ဈေးကွက်မှာပါ ကြက်သွန်ဈေးနှုန်းတွေ တရိပ်ရိပ်ကျဆင်းနေတာ ဖြစ်ပါတယ်။ပြီးခဲ့တဲ့ ၂၀၂၅ ခုနှစ် ဇန်နဝါရီလက ပခုက္ကူ၊ မြင်းခြံနဲ့ ဆိပ်ဖြူ ဒေသထွက် ကြက်သွန်နီ (လတ်ကြီး) တစ်ပိဿာ ကျပ် ၂,၆၀၀ မှ ၃,၀၀၀၊ ( ရှယ်) တစ်ပိဿာ ကျပ် ၃,၀၀၀ ဈေးပေါက်နေပြီး၊ ဧပြီလကုန်ပိုင်းမှာတော့ ကြက်သွန် ( လတ်ကြီး) တစ်ပိဿာ ၁,၁၅၀ မှ ၁,၃၀၀၊ ( ရှယ်) တစ်ပိဿာ ၁,၂၀၀ မှ ၁,၈၀၀ ဈေးရှိနေပါတယ်။ကြက်သွန်ဈေးကျတဲ့အပြင် ပြည်ပဝယ်လိုအားနည်းပြီး လှောင်လက်ဝယ်သူ မရှိသလောက်ဖြစ်နေတဲ့အတွက် ကုန်သည်တွေမှာ အရှုံးနဲ့ ရင်ဆိုင်နေရပါတယ်။ဆောင်းကြက်သွန်တွေက ကြက်သွန်မျိုးအပါအဝင် သွင်းအားစု၊ အလုပ်သမားငှားရမ်းခ စရိတ် အားလုံးပေါင်း တစ်ဧက ကျပ်သိန်း ၄၀ လောက်ကုန်ကြတယ်လို့ သိရပါတယ်။
