တက်စ်လာအတွက် အချိန်ပိုပေးသွားမည်ဟု အီလွန်မတ်စ် ပြော

အီလွန်မတ်စ်ဟာ သူ့ရဲ့လျှပ်စစ်ကားကုမ္ပဏီဖြစ်တဲ့ တက်စ်လာရဲ့ အမြတ်ငွေ အများအပြားကျဆင်းသွားချိန်မှာ အစိုးရရဲ့ကုန်ကျစရိတ်တွေ လျှော့ချဖို့ လုပ်ဆောင်နေတာကို လျှော့ချသွားပြီး ကုမ္ပဏီကို ဦးစီးဖို့ အချိန်ပိုပေး သွားမယ်လို့သိရပါတယ်။ အစိုးရစွမ်းဆောင်ရည်ဌာန DOGE အခြေတကျဖြစ်ဖို့ အဓိကအရေးကြီးတာတွေ လုပ်ပြီးသွားပြီမို့ မေလကစတင် ပြီး တက်စ်လာအတွက် အချိန်ပိုပေးသွားမှာဖြစ်သလို အစိုးရကိစ္စတွေအတွက်တော့ တစ်ပတ်ကို တစ်ရက် နှစ်ရက် လောက်ပဲ အချိန်ပေးသွားဖို့ မျှော်လင့်ထားတယ်လို့ အစည်းအဝေးဖုန်းခေါ်ဆိုမှုတစ်ခုမှာ အီလွန်မတ်စ်က ပြောကြားသွားခဲ့တာပါ။