ရီးရယ်လ်အသင်းနောက်ခံလူ အလာဘာနဲ့ ကွင်းလယ်လူ ကာမာဗင်ဂါတို့ဟာ ဂီတာဖေးအသင်းကို ၁ ဂိုး-ဂိုးမရှိနဲ့ အနိုင်ရခဲ့တဲ့ လာလီဂါပွဲစဉ်မှာ ဒဏ်ရာရရှိခဲ့တာကြောင့် ဘာစီလိုနာအသင်းနဲ့ ယှဉ်ပြိုင်ရမယ့် ကိုပါဒယ်ရေး ဖလား ဗိုလ်လုပွဲကို လွဲချော်ဖွယ်ရှိနေတာဖြစ်ပါတယ်။ ရီးရယ်လ်အသင်းက လူငယ်ကြယ်ပွင့် အာဒါဂူလာရဲ့သွင်းဂိုးနဲ့ အနိုင်ရခဲ့တဲ့ ဒီပွဲစဉ်မှာ အလာဘာဟာ ဒဏ်ရာ ကြောင့် ပထမပိုင်းအပြီးမှာ လူစားလဲခံခဲ့ရပြီး သူ့ရဲ့နေရာမှာ အစားထိုးဝင်ရောက်လာခဲ့တဲ့ ကာမာဗင်ဂါလည်း ဒဏ်ရာခံစားခဲ့ရတာဖြစ်ပါတယ်။
