BYD ၏ စတုတ္ထအစင်းမြောက် ကားပို့ဆောင်ရေးသင်္ဘောအား လွှဲပြောင်းပေးအပ်

တရုတ်နိုင်ငံ စွမ်းအင်သစ်ကားထုတ်လုပ်ရေး ထိပ်တန်းကုမ္ပဏီ BYD ၏ စတုတ္ထအစင်းမြောက် ကားပို့ဆောင်ရေးသင်္ဘော “BYD SHENZHEN” ကို ဧပြီ ၂၂ ရက်တွင် တရုတ်နိုင်ငံ ကျန်းဆူးပြည်နယ် ရီကျန်းမြို့၌ တရားဝင်လွှဲပြောင်းပေးအပ်ခဲ့သည်။ အဆိုပါသင်္ဘောသည် BYD ၏ စတုတ္ထအစင်းမြောက် ကားသီးသန့်ပို့ဆောင်ရေးသင်္ဘောဖြစ်ပြီး China Merchants Group လက်အောက်ရှိ ကျင်းလိန်သင်္ဘောကျင်းမှ တည်ဆောက်ခြင်းဖြစ်သည်။ ၎င်းသည် စုစုပေါင်း အရှည် ၂၁၉.၉ မီတာ၊ အကျယ် ၃၇.၇ မီတာနှင့် စုစုပေါင်း ကုန်းပတ် ၁၆ လွှာရှိပြီး စံချိန်မီ ကားသယ်ဆောင်ရန်နေရာ ၉,၂၀၀ ရှိသဖြင့် လက်ရှိလည်ပတ်ပြေးဆွဲနေပြီဖြစ်သည့် ကမ္ဘာပေါ်တွင် သယ်ဆောင်နိုင်သော ပမာဏအကြီးဆုံး ကားပို့ဆောင်ရေးသင်္ဘော ဖြစ်ပေသည်။