တောင်ကိုရီးယားမှ LGES သည် အင်ဒိုနီးရှားတွင် လျှပ်စစ်ကားဘက်ထရီထုတ်လုပ်မည့် ၁၄၂ ထရီလီယံ ရူပီယာ (ဒေါ်လာ ၈.၄၅ ဘီလီယံ) စီမံကိန်းမှ တရားဝင်နုတ်ထွက်

တောင်ကိုရီးယားမှ LG Energy Solution LGES သည် အင်ဒိုနီးရှားတွင် လျှပ်စစ်ကားဘက်ထရီထုတ်လုပ်မည့် ၁၄၂ ထရီလီယံ ရူပီယာ (ဒေါ်လာ ၈.၄၅ ဘီလီယံ) စီမံကိန်းမှ တရားဝင်နုတ်ထွက်လိုက်ပြီဖြစ်သည်။LGES နှင့် အင်ဒိုနီးရှားအစိုးရတို့သည် ၂၀၂၀ ခုနှစ်နှောင်းပိုင်းတွင် Indonesia Grand Package ဟုခေါ်သော စီမံကိန်းအတွက် သဘောတူညီချက်တစ်ရပ်ကို လက်မှတ်ရေးထိုးခဲ့ကြသည်။ စျေးကွက်အခြေအနေများနှင့် ရင်းနှီးမြှုပ်နှံမှုဝန်းကျင်အပါအဝင် အကြောင်းရင်းအမျိုးမျိုးကို ထည့်သွင်းစဉ်းစား၍ Indonesia GP (Grand Package) စီမံကိန်းမှ တရားဝင်နုတ်ထွက်ရန် ကျွန်ုပ်တို့ သဘောတူညီခဲ့ပါသည်ဟု LGES ၏ ထုတ်ပြန်ချက်တွင် ဖော်ပြထားသည်။