၂၀၂၅ ဥရောပဘောလုံးရာသီကုန်ဆုံးချိန်တွင် အွန်လိုင်းလောင်းကစားများ ပိုမိုတွင်ကျယ်လာမှုကြောင့် ပြည်တွင်း၌ ဘောလုံးလောင်းကစားဖြင့် အထိနာသူများပြားပြီး လူမှုရေးပြဿနာများ မြင့်တက်လာကြောင်း သိရသည်။ ကမ္ဘာတစ်ဝန်းမှ ဘောလုံးပွဲများကို အချိန်ပြည့်နီးပါး လောင်းနိုင်ခြင်း၊ လွယ်ကူသော အွန်လိုင်းလောင်းကစား ကြော်ငြာများ များပြားလာခြင်းတို့ကြောင့် ယခင်ကလောင်းကစား မလုပ်သူများပင် ပါဝင်လာကာ အကြွေးများဖြင့် ရှောင်တိမ်းနေရသူများ ရှိကြောင်း ဒေသခံများက ဆိုသည်။
