ငလျင်ကြောပေါ် ရှိနေတဲ့ ရုံးအဆောက်အဦတွေကို ပြောင်းရွှေ့ပြီး နေပြည်တော်ရဲ့ မြို့အကွက်ချမှုပုံစံကို ပြန်လည်တွက်ချက်ရေးဆွဲသွားမယ်လို့နိုင််ငံတော်၀န်ကြီးချုပ်က ပြောပါတယ်။ ၀န်ထမ်းနေအိမ် အပြိုအပျက်စာရင်းတွေကတော့ စုစုပေါင်း တစ်ထောင်ကျော်ရှိနေပြီး ပြန်လည်ပြင်ဆင်ဖို့ စာရင်းထွက်လာပြီလို့လည်း သိရပါတယ်။
အဲဒီစာရင်းထဲမှာ အနီရောင်အဆင့် ရှိတဲ့ အကြီးစားပြိုကျ ပျက်စီးပြီး လူနေရန်မသင့်တဲ့ ဝန်ထမ်း နေအိမ် ၆၁၀ နဲ့ လူနေထိုင်လို့ ရပေမယ့် အကြီးစားပြင်ဆင်ဖို့လိုအပ်တဲ့ နေအိမ် ၉၄၆ လုံး ပါရှိပါတယ်။ သတ်မှတ်ချက် အနီရောင်အဆင့်ရှိနေတဲ့ တိုက်ပေါ်က ၀န်ထမ်း မိသားစုတွေကိုတော့ လက်ရှိ စည်ပင် ဧည့်ရိပ်သာမှာ ပြောင်းထားကြပြီ အရင်က တိုက်အောက်မှာ တဲထိုးနေတဲ့ ၀န်ထမ်းတွေပါ ပြောင်းနေကြတယ်လို့နေပြည်တော်မှာ နေထိုင်သူက ဆိုပါတယ်။
