မြန်မာနိုင်ငံတွင် ဖုန်းများသို့ လောင်းကစားဂိမ်းမက်ဆေ့ အဆက်မပြတ်ပို့ခံရပြီး ခြိမ်းခြောက်စာဆန်ဆန် ရေးသားပေးပို့ချက်များ ပါဝင်လာ

မြန်မာနိုင်ငံတွင် ဆင်းကတ်သုံးစွဲသူများထံ လောင်းကစားဂိမ်းမက်ဆေ့များ အဆက်မပြတ်ပို့ခံရပြီး ခြိမ်းခြောက်စာ ဆန်ဆန်ရေးသားပေးပို့ချက်များ ပါဝင်လာကြောင်း ဖုန်းသုံးစွဲသူများထံမှ သိရသည်။ ယခုကာလအတွင်း MPT ဆင်းကတ်၊ တယ်လီနော်ဆင်းကတ် ၊ အော်ရီဒူးဆင်းကတ် အစရှိသည့် ဖုန်း သုံးစွဲသူများ ထံသို့ လောင်းကစားဂိမ်းမက်ဆေ့များ အဆက်မပြတ်ပို့ခံနေရပြီး ခြိမ်းခြောက်စာဆန်ဆန်ရေးသားပေးပို့ချက်များ ပါဝင်လာ၍ စိတ်အနှောင့်အယှက် ဖြစ်နေကြရကြောင်း သိရသည်။ အဆိုပါ အွန်လိုင်းလောင်းကစားဂိမ်းများထဲတွင် စလော့ဂိမ်း ၊ ငါးပစ်ဂိမ်း ၊ ဖဲဂိမ်း ၊ ကာစီနို စသည့် ဂိမ်း များပါဝင်လာပြီး အွန်လိုင်းဖလက်ဖောင်းပေါင်းစုံမှ ကြော်ငြာခြင်းကို ယခုနောက်ပိုင်း ကျယ်ကျယ်ပြန့်ပြန့် ပြုလုပ်လာကြကြောင်း သိရသည်။