ငလျင်ကြောင့် ပျက်စီးခဲ့သည့် ဆင်‌သေရေလွှဲဆည်မှဆည်ရေသောက် ဧကများအားလုံးသို့ ရေဖြန့်ပေးဝေနိုင်ရန် ပြင်ဆင်နေ

မတ်လ (၂၈) ရက်က လှုပ်ခတ်ခဲ့သည့် ငလျင်ဒဏ်ကြောင့် ပျက်စီးခဲ့သည့် နေပြည်တော် ကောင်စီနယ်မြေ၊ တပ်ကုန်းမြို့နယ် အတွင်းရှိ ဆင်‌သေရေလွှဲဆည်မှ ဧပြီ (၂၂) တွင် ဆည်ရေသောက် ဧကများအားလုံးသို့ ရေဖြန့်ပေးဝေနိုင်ရန် ပြင်ဆင်နေကြောင်း သိရသည်။ ထို့အတွက် အရေးပေါ် ပြုပြင်ထိန်းသိမ်းခြင်း လုပ်ငန်းများကို ဧပြီ (၁၄) ရက်က စတင်ကာ တစ်ပတ်လုံး ပုံမှန်အတိုင်း ရေပေးဝေနိုင်ရေး နေ့ညမပြတ် ဆောင်ရွက်နေသည်ဟုလည်း ဆိုသည်။